Google ADS

Rama: PS nuk ka tradhtuar interesat kombëtare

21:21 | 6 Qershor 2023
Orgesa Haziri

Në takimin e fundit të turit të falenderimeve në Berat, ku PS fitoi 5 nga 5 bashki që ka qarku, Edi Rama kërkon nga kryebashkiakët e rinj të mos i marrin për të mirëqena bastionet e tyre.

Rasti i Shkodrës është ai që për kryesocialistin rrëzon teorinë e bastioneve tradicionale.

“Ka ndryshuar diçka shumë e rëndësishme më 14 Maj. Ajo hartë që kemi para syve është një hartë që tregon se njerëzit kanë filluar të mendojnë sipas interesit të drejtpërdrejtë dhe jo vetëm të shikojnë sipas ngjyrës së fanelës së forcave politike”.

Zbulon suksesin e 8 nga 9 palë zgjedhje që ka fituar Partia Socialiste, qëkur ai ka marrë drejtimin në 2005.

“Është sepse ne sapo kanë mbaruar një palë zgjedhje kemi filluar të mendojmë për zgjedhjet e tjera duke mos e konsideruar asnjë fitore një arsye për të fjetur mbi dafina dhe për të vazhduar përpara duke i parë të tjerët nga lart poshtë.

Zbulon po ashtu 2 gjërat që e bëjnë krenar si kryesocialist.

“PS kurrë nuk e ka cenuar as me një fjalë të vetme interesin kombëtar dhe e dyta që PS votohet më shumë nga gratë sesa nga burrat”./tvklan.al/

Shpërndaje në rrjete sociale

Lajmet më të lexuara

Të ngjashme

Foto lajm